23 december 2011

Buorre javlla gájka

Buorre javlla gájka, dálla manáv Ruoktoj muv vegajn. Buorre javlla, VAS!

gåvvim: Ella-Maria Grape Nutti

Nergård/Kuoljok mánnávehka


Iektu lijma ålles vehka stuoroappá Emma lunna Jielleváren. "Förjulsmys" ållo njálgugij!

JAVLLALOAHPE!!!!!

Jippi, vijmak oaddtjuv javllaloabev. Oaddtjuv juo gasskaváhko! Åh man vuogas ja suohtas galggá sjaddat  vegajn ja fuolkkijn iejvvalit. JA bårråt ållo njálga javllabiebmojt, mums. Uddni mánnap gåjt Ruoktoj, galggap javllaiehkeda danna, ja gå lip danna lähkám nágin ija de vuodjáp Vuodnaj. Valla anáv aj ÅLLO skåvlåbárgojt majt viertti dagáduvvat...hmmm.
-
Dálla vierttiv ålgus tjuojgatjit, valla dat muohta nav ålov ja iv diede jus láhto li vuojedum. 

17 december 2011

unna oappátja

Buorre iehket! Lav jur báhko(VAS!), dán bále báhkojiv sarremuffinsijt. Valla dán bále lij dat nav ahte muv unna oappátja lijga adnám gudik buoremus rádnav goassen, plus avtav ietja näjttsov dánna sijdan. Máhttebihtit jahket gåk goahte lij gå guok dájs guosijs lijga mánnam. Danen javlliv mån unnemus oabbáj ja suv ráddnaj ahte såj máhtijga tjårggit ålles goadev, ahte sjattáj riek tjårggå ja fijnnuk vas. Ja jus dagájga dav de javlliv ahte galggiv báhkot juojdda njálgugijt sunnuj. Ja diehtebihtit majt, såj tjårggijga ålles goadev ja dálla l goahte degu dat galggá vas. Hahah! Náv muffinsa sjaddin:
Dav lij máhttet jahket ahte da lidjin "american big size cookies".....

Ja de la muv tjiehppes ieddne aj báhkom juoga lágasj njálggajt, mån lav nabdám dajt "dumledream"

16 december 2011

Vijmak de gergajma gådijn

Uddni lip mij unna nejtsutja dán goaden, peppargáhkogoadev biggim ja pynddim. Suohtas lij dat! Ja muv mielas sjattáj buorre. Lav iesj dáhkam sejnit, dähkkov ja dakkárijt. Dála båhti nágin gåvå:
Åvddåbielle. Svijnne ja áhkásj tjuodtjoba uvsa goaran.





Buorre javlla dimna! :D

09 december 2011

Jielleváre tjuojgge

:-D

Dála l nágin mijás gudi lip dánna Lulleluspien.

08 december 2011

Lulleluspie

Buoris gájka! Dálla lav Lulleluspien(Östersund). Lav ållim diek uddni biejven ja ganugav dánna ájllegij. Dánna l Scandic Cup gilpposa gånnå galgav oassálasstet. Sjaddá riek suohtas vuojnnet ja dåbbdåt gåk rubmaj le. Iv la ájn gilpastam dán dálve så dát sjaddá muv vuostasj gilppos. Lávvordagá le klassisk sprinta ja ájllega le 5km skate.

Iektu lidjiv gåjt viedtjamin muv nuppijt ådå sábegijt, ådå skate Fischer. Lidjin tjáppada ja fijnuga, vuojnnus dal jus jåhtelijt manni. Lav aj oadttjum ådå klassisk Fischer, valla iv la ájn tjuojggam daj.
Buorre ájllek didjide! Update gåk manná ja mannam le boahtá J

02 december 2011

báhkomin

Buoris vas! Lav jur dálla báhkomin "fransk peppargáhkojt". Sjáddiv inspirert stuoroappás gå lidjiv suv goassen dijstagá gasskaváhkoj. Sån lij báhkom dakkár gáhkojt juo ájggá ja lidjin riek njálge. Biedjiv dájgev jur vuodnáj ja vuordád desik bassum lij. Mums! Ja idet de galgav daj riekta peppargáhkojt báhkkot.

Náv muv "fransk peppargáhko" sjáddin:
    Ällim nav njálge degu stuoroappá gáhko valla dåhkin da bájggalassen, majt javlla...
Dála l gåk dahká: Franska pepparkakor

Gåktu mån dálla ájádalliv?

Mánen iv mån mánnam Ájluoktaj ja Oppájdáj????? Naima! Åh mån lav nav suhton. Mån gut lav nav vuorddám dáv lávvordagáv. Mån gut nav sihtiv bállov tjiektjat. Hivás!

Vasse mánnodak

Dán mánnodak mij lij mij gålmmå näjttso goaden(majsing,joli ja mån) peppargáhkojt báhkijma. Mums, sjattáj riek njálgge, ja unna oappátja liba juo bårråm dimnajt. Dánen sidáv ienep báhkot. Vissa, mån dáhkuv aj siejnijt, dähkkov ja dakkár lágásj diñgajt peppargáhkkogoahtáj. Iv la ájn monterim dav, jáhkáv galgav uddni dáhkat.

Dála l nágin gåvå fijna peppargáhkojs: 





Vijmak bierjjedak!

Pjuh vijmak de bierjjedak sjattáj. Gåk lidjv åvvodallam dán bierjjedáhkaj. Muv plána lij Vuodnaj mannat bállov tjievtjatjit, valla ij navti sjáddam. Dálkke ja ráhte ij loabeda buorev, ráhte li jiegñum ja njalgasa. Jaja iv dav máhte juohkke sájen liehkket, suddo. Dan lávvordagá de farra galgav skåvllåbárgojt dáhkaguohtet, hárjjidallat, bårråt ja báhkot peppargáhkojt ja tjuojggusav gähtjat.

Dalla tjåhkåhav gåjt bussan sijdaj mánnamin vas. Mån lav jur lähkám hárjjidallamin Duoddarin. Uddni vas sjáttaj tjuojgos. Åh muv mielas tjuojgos la buoremus hárjjidallam ja dat la nav suohtas. Tjuojggus <3 



Allhelgona kuhpán, Jielleváren. Suohats!

Ådå mánno

Duorastak, vuostasj biejvve jåvllamánon. Tenk, la ruvva ådå jahke vas, juo 2012. Mujtáv máj degu iektu gå sjattáj 2010, mujtáv man kult muv mielas  lij.  Iv dádjada mánen jáge dåssju gålli.  Dát jahke la mánnam nav ruvva ja lav adnám riek buore jagev dálátjij. Lav hinnim dáhkát nav ållo ådå majt iv la goassak dáhkam váj vuojnnám. Mån lav gåjt dudálasj muv jagijn dálátjij. Jah, galle dan birra! 

Uddni lav gåjt dåssju skåvlån lähkám. Lav bårråm taco lunsjaj ja máñemus skåvllåtijman de manniv káfeaj oastátjit sjokolademuffinsav. Mums, lij njálgge skåvlån bårråt uddni. Jur dálla tjåhkahav bussan, mannamin sjidrájggáj gåk dav bruovkku javllat. Sijdan de val vierttiv  nágin skåvllåbargoj gärggat.  Miján le nav ållo skåvlåbárgo jur dálla ahte dåssju sidáv hiejttet dav bierik skåvlåj. Ja dimna bárgo lidjin stuor tjállema. Valla galgav mån gärggat dimnaj, aktij(!), jus ga vierttiv ijájt barggat. 

Oj, vajálduhttiv dáv bloggaj biedjat iektu! Valla sämmi buorre l máj uddni låhkåt ;)
Dála l skåvllågåvvå majt gåvvijma gå jur lijma skåvlåv álggá.

23 november 2011

ájggá

Buoris vas!  Åhåj gåk ájgge gållå. Lij juo vargga vihtta máno dan rájes gå máŋemus dánna tjálliv. Iv la adnám tjállemhálov, valla de hähkkat iektu iehkedis de huomajiv ahte sihtuv sámegiellaj vas tjállet. Ja dåbbdiv ahte dárbahav hárjjanit tjállet sabmáj vas, dåbdåv ahte lav vajálduhttam unnán. Sadnes la maj dat aj, valla dálla galgav vas buorranit, ja ájn buorebut sjaddat.

Dálla lav gåjt joarggaskåvllåj alggam. Vadtsáv samhällsprográmmav ja tjuojggamlinjav aktan. Suobtsov degu guolle tjátjen. Lav dåssju vadtsám danna gålmmå máno valla la riek suohtas, ájn gåjt. Le riek suohtas gå oadttju hárjjidallat skåvllåájgen ja ietjadij gudi aj lijkkuji sämmi sportaj. Ja ájn buorep la ahte oadtjov planáv dáhkat hárjjidallijn. Aktan måj hárjjidallijn planerijinj majt,gåk ja goassa galgav hárjjidallat. Dálla dåbdåv ahte muv sportan bargav ávojn vas! Diedon dimna ulmutja adnin dakkár ”vuolus-mánojt” viessomin, ja buorre l máj dat ietjan ij suohtas vas sjatta. Valla åvddål alggiv tjuojggamlinjav de dåbddiv ahte lij gássjel ållit muv ulmmáj ja niehkkuj, supertjuojggen sjáddat. Valla dálla dåbdåv ahte jus sidáv de máhtáv.

Äsj, iv dessti vissja tjállet dán bále! Boadáv ruopptot ienep tjállusij boahtte vahko. 


Hivás!

25 juli 2011

Basecamp

Dán jage Julevsáme vahkko doajmme lidjin ássam basecampav dávve vássjan. Dát basecampa lij guovte biejven. Mån lidjiv akta oassálasstes, Ole, Mikkel ja AnneBerita siegen. Basecampa ij álggam nav buoret, danen gå vierttijma vuorddet lagábut vihtta tijmma åvddål bådijma mannoj. Sjattaj nav dánen gå telefåvnnå ij doajmmam ja ejma máhttám guládallat gaskanisá, valla mángemusat lijma dimna sämmi sájen ja álgijma suohtastallat.

Vuostasj biejve álgijma låvdågoadev tsieggit jade båråstijma binnav. Dan mangel de kajakaj manájma nuorráj, páddaldijma moadda tijmma ja oattjojma/vierttijma kajakaj gåbmonit. Mån adniv gåjt riek suohtas ja muv mielas la hávsske dåssju nuoren gårvvåt ja gähtjat luondduv. Gå gasskabiejvveájgge lij de biebmov riejdijma aktan, räjnnabierggo gabájn,lökajn ja guobbarij  ja dan guorráj båråjma rijsav. 

Nuppát biejvve de smárediv sälddát árrat, lij nav báhkka låvdågoaden ahte vierttijiv sirddet oademvuosav ja oademvuoládisav ålgusjbälláj. Gå vas nubbadis smárediv de álgijma bårråt idedisbiebbmojt ja dan mangel tjårgijma dimna mijá budugijt. Gå lijma gärggam de vuodjájma vantsajn akta rájggaj, Vássja ja Måske gasskan. Danna galgajma biehket ja guohtsat. Råggejávrrerájgge la rájge namma gånnå lijma.
Freia sjokoladejugos

AnneBerit ávon :-)

Mikkel 

Ålles basecamp-oassálasste vehka!

Instruktörra vuoset gåktu daj dingaj dahká.


Måj Mikkelijn "cirkusav" doallin ;-)


Mmm, ållu varás gáhkko dålå nanna básedum.



Rapellering


Ole



Da lihipit vuojnnam nágin gåvå muv basecampas dávve Vássjan. Jus dat ásaduvva boahtte jahkaj de vierttibihtit oassálasstet nuora! Dat lij/la nav suohtas ja suohtasup sjaddá maj jus ienep ulmutja oassálasstin ;-)

GIESSE!

Buorre beaivi, gåktu nuortagielaga javlli :)

Dat la juo mannam guokta máno dan rájes gå mangemus tjálliv dánna. Iv la riek astam jali vissjam. Jáhkáv sjaddá binna tjálosj mangebut giesen aj, vierttibihtit vuorddet tjaktjáj. Giesse la gåjt lähkám hávsske ja dárbulasj dán rádjáj. Valla muv mielas mij lip adnám ilá binna biejvev, mån ij solim ienep gå gålmmi-njiellji. Mån lav Rijtsemin lähkám njuovvam guolijt ja Måsken ja Ájluovtan årrum moadda vahkko, dåppe lav tjiektam bállov, vádtsam várijt, ijájt gåhtsåm ja dåssju divtasvuonagij hávsskudallam.

Dálla lav sijdan Bårjåsin vas, båhtiv iektu iehkedis. Uddni manáv Rijtsemij ja galgav danna oadet åvdåv ijáj, ja idet måj Karinin vádtsajin Vuonaguovlloj várebadjel. Jippi!


21 maj 2011

ájllek idedisbiebbmo

Buorre idet, jali buorre gasskabiejvve! Uddni mån smarediv juo avtsen idedis. Lij vuogas ja dárbulasj oadet unnán guhkebu. Lidjiv riek nälggám ja álggiv idedisbiebmojn dalága. Bieddjiv lájbijt vuodnáj, vuostjajn, skinckajn, tomátpureajn ja oreganojn. Sjattáj riek njálgge. Juhkiv mielkkev dan guorraj ja dahkiv aj fruktsállatav tjáhtjemelonajn, clementijnaj ja ähppelij.

20 maj 2011

tjaktjaj de algga

Uddni lav lähkám guossidim tjuojggam-gymnássav Jielleváren, danna galgav maj álgget tjaktjaj. Munji lij gåjt riek suohtas danna guossidit. Suohtas liehkket daj lanjájn gånnå galgav skåvlåv váddset, suohtas iejvvit dajt nuppijt gudi aj galggi álgget danna.

Dát biejvve lij dakkár biejvve gå äjgáda tjuovvojin dåk, akta åhpadidjijs subtsastij gåk da barggi danna, gåk hárjjidallamsjiebmáv dahka, gåk dav galgga hárjjidallat "riekta lahkáj", dat lij dakkár ássjijt mij oattjojma diehttet.  Mij oahppe anijma aj dakkár viehkkamtestav. Låssåt lij dat viehkkat. Mij lip aj hárjjidallamsjiebmáv oattjom, ja mánnodagá de algav muv ådå hárjjidallam viessomav. Eller de algav sjiebmáv tjuovvot.


Dála l mij gudi álggep tjaktjaj, plus nágin ietjada aj. 

19 maj 2011

Suohtas le dánsit

Buoris uddni vas! 

Vajálduhttiv bieddjat gåvåjt ja videov iektu luomegis. Valla uddni anáv ietjá videov vuosedit. Dát la gå mån ja muv ráddna dánsijin skåvlån. Måj lijma jur lähkám dánsimin lásjmudállamin. Så lijma oahppam unnán "bugg-moves". Dála l  gåjt suohtas video:



video

17 maj 2011

Luomekjahke

Buoris!

Gåk le dijájn? Mån gåjt buoragit viesov. Lev lähkám Rijtsemin ålles ájllegav, manniv dåk duorastagá. Lav skåvllåbargojt dahkam, tjuojggam, biejve åvdån vellaham"ja russjkudam degu sjokoláda"(degu Johanna oabbám javllá. Lav aj ållo suovasmárfev bårråm, tjajmmam ja dåssju hávskudallam. Rádnam Sara lij danna, måj tjuojgajma unna Seukoga állegietjes luksa, dat váldij bielle ja guokta tijma. Avta gasska dåssju tjuojgajma sport-tåhpaj ja båvsåj, lij nav báhkka! Vuogas lij gåjt, vuojnijma dimna várijt, gitta Vuonabälláj. Vuojnijma ihkeva ållo luomegijt aj! Dát jahke le luomekjahke, majt javlli. Luomek la nåv unna ja söt judos, valla moarrá. Galgav biedjat gåvåjt sisi gå sijddaj boadáv, tjuovvujihtit val bloggav manngela de.

Dála l luomek:

(google.se)

Dálla gåjt skåvlån tjåhkkåhav sámegieltijman. Måj iednijn galggin manngela boarkálij mannat, galggin åhtsåt gápte-abnnasav. Ieddne la máj muv sámegielåhpadiddje. Valla vuostak vierttiv unnán bargov dahkat, degu bloggit.       

Varrudagá Unnarievsagis! 

09 maj 2011

Gidá, gieres gidá

Buoris! 

Mánnodak vas, ja dåssju vihtta vahko åvddål giesseloahpa. Dán ájllega lav gåjt lähkám Rijtsemin muv vegajn. Lav adnám nav hávsskes ájllegav! Lav oaggum, tjuojggam, bårråm varás guolev, mattemahtijkav rieknim ja dåssju suohtastallam muv unna oappátjij. Dát manno lij muv vuostasj manno Rijtsemij dán gidá. Ja gåk mån lav vuorddám dasi! Muv mielas oaggot, solit, tjuojggat, bårråt ja dåssju viessot gidán la nav vuogas. 

Dálla iv riek diede majt ienebuv galgav tjállet, så danen oadtjubihtit muhtem gåvåjt muv ájllegis: 


Majsing suv vuostasj guolijn majt iesj oattjoj oaggomijn

Mån tjuojggamin Rijtsemij <3

Dav viertti ietjasav gåvvit...hehe

Johanna viegaj ja viegaj, diehtebihtit sunji lij hárjji-
dallam...genja iv diede. Valla viegaj sån gåjt :)


 vuojnnebihtit dajt guokta skávklijt gåvån? Måj Johannajn 
gåjt nabdima dajt, akta dajs le Sven-Göran ja dat nubbe Anna-Karin

Låjes Tjugu! 

mijá pick-pack