30 mars 2011

gasskavahk´ iehket


Buoris vas dán bále!

Dat la juo mannán moadda vahko dan rájes gå mángenmus(ij dåhki "ng" bokstávav dahkat) tjálliv. Lav moaddi ájádallám tjállet dánna valla iv la riek diehtám majt tjállet ja iv le adnám riek hálov. Ålov le gåjt dáhpáduvvam dan rájes gå tjálliv. Lev lähkám Skánen, Evenskjerán Sáme gilppojn ja lev aj dán vahko lähkám hárjidallam-"skåvlån" tjuojggosijn. Suohtas la dat årrum ja lav ålov oahppam! Evenskjerán, gånnå ådijma, lij riek fijna årrudak. Dan namma lij "sjöhus", ja gåk gulá namás, dat lij nuore guoran. Ja dat lij nåv tjábbe, mån nåv oadtjuv hálov Vuodnaj jåhtet. Hehe! Jaja, bierrjedagá vuojdájma gåjt dåk, Evenskjeráj. Gálggiv gilppot 5km klassisk tjuojggusav, valla mij gut lijma Svierigis vuodjám lijma nåv árrat smáredam ja vuoddjám 6-7 tijma bijlajn, "muohtakaosin"(gåk da oarjjelis lidjin nabddám dåv). Gå ållijma Evenskjeráj lij kloahkka ca 13.00 ja mij galgájma álgget 15.00. Ja dat lij lähkám ilá binná ájgge gärggat bårråt, sabegijt vuojddat, tjuoggat birra láhtov ja duov dáv majt dav viertti dahkat åvddål galggá gilppot. Da gut arrangerijn dajt gilpojt mierredin sirddet 5 km klassisk tjuojggusav ájllegij. Ja dat lij riek buorre muv mielas, danen gå muv rubmaj ij dåbbdom nåv "ready" gilppostit.

Unnán dan birra. Dálla galgav tjállet gåk manáj.
Sjuohppongilppon båhtiv: 1/8(!!!!!!!) Mån båhtiv vuostasj sadjáj :D: D. Diejvviv 8/10 sjuohppomijt.
5km klassisk tjuojgos: 3/4. Iv la nåv dudálasj.... Lidjiv 2.26 minuhtta vuostasj tjuojgge mangel.

Ja dálla lav mån nåv spännjda gullat gut AWG:aj bässá nuppe jahkáj. Dav oattjov diehtet máno duogen. Sávav mån oattjov mánnat.

Tjáláv ienep dáj birra idet vaj ietjá biejve, dallá vierttiv oaddát. Buorre idja!

Inga kommentarer:

Skicka en kommentar